• Skip to primary navigation
  • Skip to main content
  • Skip to footer

+855(0)95 555 199

info@chanassociates.com

Chan & Associates Co., Ltd.

Chan & Associates Co., Ltd.

Accounting, Audit and Assurance

  • HOME
  • About Us
  • Our Services
    • AUDIT & ASSURANCE
    • ACCOUNTING
    • TAXATION
    • BUSINESS ADVISORY
  • People
  • Library
    • Exchange Rate
    • Announcement
    • Business News
    • Economics News
    • General Knowledge
    • Company Registration Form
  • Language
    • EnglishEnglish
    • 日本語日本語
Contact Us

True Money វិនិយោគ​ $១៥ ​លាន​នៅ​កម្ពុជា

HOME >>True Money វិនិយោគ​ $១៥ ​លាន​នៅ​កម្ពុជា

ភ្នំពេញៈ ខណៈ​អាជីវកម្ម​សេវា​ផ្ទេរ​ប្រាក់​នៅ​កម្ពុជា​កំពុង​កើនឡើង​ក្រុមហ៊ុន TrueMoney Cambodia Company Limited កាលពី​ថ្ងៃ​ម្សិលមិញ​បាន​ប្រកាស​ពី​ទឹកប្រាក់​វិនិយោគ​ ១៥ ​លាន​ដុល្លារ​​នៅក្នុង​ទីផ្សារ​ដែល​​​ពេញនិយម​មួយ​នេះ​។

លោក គង់ មាន នាយក​ពាណិជ្ជកម្ម​របស់​ក្រុមហ៊ុន ​True Money​ ដែល​ស្ថិត​ក្រោម​ក្រុមហ៊ុន Ascend ​Group​ ដែល​ជា​បុត្រសម្ព័ន្ធ​របស់​ក្រុមហ៊ុន CP Group របស់​ប្រទេស​ថៃ​បាន​ប្រាប់​ភ្នំពេញ ប៉ុស្តិ៍​ថា​ឱកាស​ទីផ្សារ​ច្រើន​របស់​កម្ពុជា​បាន​ជំរុញ​ឲ្យ​ True Money​ សម្រេច​ចូល​មក​កម្ពុជា។

លោក​ថ្លែង​ថា​៖ «យើង​មើល​ឃើញ​ឱកាស​នេះ​យើង​មើល​ឃើញ​ប្រជាជន​ប្រឈម​នឹង​ហានិភ័យ​ [ចំពោះ​សេវា​ក្រៅ​ផ្លូវការ​] ​ដូច្នេះ​ True Money [វិនិយោគ​លើ​​សេវា​នេះ]»។

លោក​បាន​បន្ត​ថា​ប្រជាជន​កម្ពុជា​ប្រហែល​ ៩០ ​ភាគរយ​ក្នុង​ចំណោម​ប្រជាជន​សរុប​​គ្មាន​គណនី​ធនាគារ​​ដែល​ចំណុច​នេះ​ក៏​ជា​មូលហេតុ​ជំរុញ​ឲ្យ​ True Money ចាប់​យក​ទីផ្សារ​កម្ពុជា​។​ លោក​ថ្លែង​ថា៖ «​[សេវា​នេះ​] គាំទ្រ​ជីវិត​របស់​ពួកគេ​ធ្វើឲ្យ​ជីវិត​របស់​ពួកគេ​កាន់តែ​ប្រសើរ​មាន​ភាព​ងាយស្រួល​មាន​សន្តិសុខ និង​មាន​ហានិភ័យ​ទាប»​។

យោង​តាម​របាយការណ៍​មួយ​របស់​ធនាគារ​ពិភលោក​គិត​ត្រឹម​ ២០១៣ ប្រជាជន​កម្ពុជា​អាយុ​លើស​ពី​ ១៥ ​ឆ្នាំ​ដែល​មាន​គណនី​ក្នុង​គ្រឹះស្ថាន​ហិរញ្ញវត្ថុ​ស្រប​ច្បាប់​មាន​ចំនួន​តែ ៣,៧ ​ភាគរយ​ប៉ុណ្ណោះ​​នៃ​ចំនួន​​ប្រជាជន​សរុប។

សម្រាប់​ការ​​វិនិយោគ​ដំណាក់កាល​ដំបូង​ក្រុមហ៊ុន TrueMoney ​នឹង​​ផ្តោត​សំខាន់​ទៅ​លើ​សេវា​ផ្ទេរ​ប្រាក់​ខណៈ​ដំណាក់កាល​បន្ទាប់​ក្រុមហ៊ុន​នេះ​នឹង​បម្រើ​សេវា​ផ្ទេរ​ប្រាក់​រវាង​ប្រទេស​កម្ពុជា និង​ថៃ និង​ពង្រីក​បណ្តាញ​ផ្ទេរ​ប្រាក់​នៅ​ទូទាំង​តំបន់​អាស៊ាន​នៅក្នុង​ឆ្នាំ​ ២០១៦។ ​​បច្ចុប្បន្ន​​ក្រុមហ៊ុន​នេះ​មាន​វត្តមាន​ក្នុង​ប្រទេស​ថៃ មីយ៉ាន់ម៉ា ឥណ្ឌូនេស៊ី ហ្វីលីពីន និង​វៀតណាម​រួច​ហើយ​។

លោក​ថ្លែង​ថា៖ «១៥ ​លាន​ដុល្លារ​នេះ​គឺជា​ចំណុច​ចាប់ផ្តើម​។ ​យើង​មាន​ផែនការ​ពង្រីក​បណ្តាញ​សេវា​ផ្ទេរ​ប្រាក់​ជា​លក្ខណៈ​អន្តរជាតិ​ក្នុង​ពេល​ឆាប់ៗ​ហើយ​នៅក្នុង​ឆ្នាំ​ ២០១៦​ យើង​នឹង​​បញ្ចប់​ [ការ​ពង្រីក​សេវា​​] ក្នុង​ប្រទេស​នៅ​អាស៊ាន​»​។

ទោះបី​លោក​មិន​បាន​ប្រាប់​ពី​តម្លៃ​សេវា​ផ្ទេរ​ប្រាក់​ក្តី​ប៉ុន្តែ​លោក​អះអាង​ថា TrueMoney ​នឹង​ផ្តល់​ថ្លៃ​សេវា​ផ្ទេរ​ប្រាក់​ដែល​អាច​ទទួល​យក​បាន​សម្រាប់​អតិថិជន​ស្រប​តាម​ទីផ្សារ​បច្ចុប្បន្ន​។​

លោក​ថ្លែង​ថា៖ «យើង​មិន​ចង់​ផ្តោត​លើ​សង្គ្រាម​​តម្លៃ​នៅ​លើ​ទីផ្សារ​ទេ​។ ​យើង​នឹង​ផ្តោត​​លើ​គុណភាព​ផលិតផល និង​សេវាកម្ម និង​ភ្នាក់ងារ​របស់​យើង»​។ លោក​បន្ថែម​ថា៖ «​[​ក្រុមហ៊ុន]​ នឹង​បង្កើត​បណ្តាញ​ភ្នាក់ងារ​ធំ​បំផុត​ជា​ជម្រើស​ទី​មួយ​នៃ​ដំណោះស្រាយ​ចំណាយ និង​​បង្កើត​ភាព​ជា​ដៃគូ​ឲ្យ​បាន​ច្រើន​»។

ការ​ចូល​ក្នុង​ទីផ្សារ​កម្ពុជា​របស់​ True Money បាន​ធ្វើ​ឲ្យ​ក្រុមហ៊ុន​នេះ​ក្លាយ​ជា​ភ្នាក់ងារ​បម្រើ​សេវា​ប្រភេទ​នេះ​ទី ៥ បន្ទាប់ពី​ក្រុមហ៊ុន វីង អេអឹមខេ អ៊ីម៉ាន់ និង​អាស៊ីវេលុយ​។ ​ក្រៅពី​សេវា​ផ្ទេរ​ប្រាក់​ក្រុមហ៊ុន​នេះ​​ក៏​មាន​បម្រើ​សេវា​ផ្សេងៗ​ទៀត​ផង​ដែរ​​ដូចជា​បញ្ចូល​ទឹកប្រាក់​តាម​ទូរស័ព្ទ និង​លក់​ឆ្នោត បង់​ថ្លៃ​សេវា​ទឹក​ភ្លើង ទូរទស្សន៍​ខ្សែកាប អ៊ីនធឺណិត និង​ការ​ចំណាយ​ផ្សេងៗ​តាមរយៈ​គណនី​របស់​ក្រុមហ៊ុន​នេះ​។

លោក ជា រតនា នាយក​ប្រតិបត្តិ​ធនាគារ​ចល័ត និង​គ្រប់គ្រង​បណ្តាញ​នៃ​គ្រឹះស្ថាន​មីក្រូហិរញ្ញវត្ថុ អេអឹមខេ ជា​ប្រតិបត្តិករ​សេវា​ផ្ទេរ​ប្រាក់ អេអឹមខេ ដែល​មាន​ភ្នាក់ងារ ២ ៥០០ ​នៅ​ទូទាំង​ប្រទេស​បាន​ថ្លែង​ថា​ការ​មាន​សេវា​ថ្មី​បន្ថែម​ទៀត​នឹង​ជា​រឿង​ល្អ​សម្រាប់​អតិថិជន​ហើយ​នឹង​ជួយ​ជំរុញ​ឲ្យ​មាន​ការ​ផ្លាស់ប្តូរ​គុណភាព​សេវា​ក្នុង​វិស័យ​នេះ​។​

លោក​បន្ត​​ថា៖ «សម្រាប់​អតិថិជន​គឺជា​កត្តា​ល្អ​មួយ​សម្រាប់​គាត់​។ គាត់​អាច​​មាន​ជម្រើស​ច្រើន​ហើយ​រើស [សេវា​] ណា​ដែល​ល្អ​ប្រសើរ»​។

ក្រៅពី​សហការ​ជាមួយ​ធនាគារ​ Phillip ​Bank ​ក្នុង​ការ​ផ្តល់​សេវា​ផ្ទេរ​ប្រាក់​នេះ​ក្រុមហ៊ុន True Money​ ក៏​កំពុង​សហការ​ជាមួយ​ក្រុមហ៊ុន​ផ្តល់​សេវា​ទូរស័ព្ទ​ចំនួន​បី​រួម​មាន Metfone, Smart​, qb​ និង​កំពុង​ចុះ​កិច្ចព្រមព្រៀង​ជាមួយ​ក្រុមហ៊ុន​ពីរ​បន្ថែម​ទៀត​គឺ​ក្រុមហ៊ុន CoolTel និង SeaTel ដើម្បី​ផ្តល់​សេវា​ផ្សេងៗ​។

បច្ចុប្បន្ន​ក្រុមហ៊ុន TrueMoney មាន​ភ្នាក់ងារ​ចំនួន ៥ ​ពាន់​កន្លែង​នៅ​ទូទាំង​ប្រទេស​ដើម្បី​ផ្តល់​សេវា​ដែល​ក្រុមហ៊ុន​​មាន​ហើយ​ក្រុមហ៊ុន​នេះ​គ្រោង​​នឹង​បើក​ប្រតិបត្តិការ​នៅ​ថ្ងៃ​ទី​ ១ ខែ​មករា ឆ្នាំ​ ២០១៦​។

អ្នកស្រី ថន សុវណ្ណារី​ ភ្នាក់ងារ​ផ្ទេរ​ប្រាក់​​របស់​ក្រុមហ៊ុន វីង បាន​ឲ្យ​ដឹង​ថា​អតិថិជន​របស់​អ្នកស្រី​បាន​ធ្លាក់​ចុះ​ពី​​ប្រហែល​ ៤៥០ ​នាក់​ក្នុង​មួយ​ថ្ងៃ​មក​ត្រឹម​​ប្រហែល ១៣០ ​នាក់​ប៉ុណ្ណោះ​ចាប់ពី​មាន​ក្រុមហ៊ុន​ផ្តល់​សេវា​ថ្មីៗ​ចូល​មក​។ អ្នកស្រី​ថ្លែង​ថា៖ «[អតិថិជន​] ធ្លាក់​ដោយសារ​មាន​អ៊ីម៉ាន់នី​ហើយ​ក្រុមហ៊ុន​វីង​ដាក់​ភ្នាក់ងារ​បន្ថែម​ទៀត»​។

អ្នកស្រី​ថ្លែង​ថា​បើ​ក្រុមហ៊ុន TrueMoney បើក​ដំណើរការ​នៅ​ដំណាក់កាល​ដំបូង​ប្រហែល​ជា​មិន​ធ្វើ​ឲ្យ​ប៉ះពាល់​ដល់​អាជីវកម្ម​របស់​អ្នកស្រី​ទេ​តែ​វា​នឹង​ប៉ះពាល់​ប្រសិន​បើ​ក្រុមហ៊ុន​ថ្មី​​នេះ​ពង្រីក​ឥទ្ធិពល​ទីផ្សារ​របស់​ខ្លួន​។

បាងកក​ ប៉ុស្តិ៍​ រាយការណ៍​​ថា TrueMoney មាន​ផែនការ​​ពង្រីក​វត្តមាន​របស់​ខ្លួន​នៅ​ទូទាំង​តំបន់​អាស៊ាន​​តាមរយៈ​ការ​ទិញ​យក​ក្រុមហ៊ុន​នានា និង​ក្រុមហ៊ុន​បណ្តាក់ទុន​រួម​គ្នា​៕

ប្រភព៖ ភ្នំពេញប៉ុស្តិ៍

Share this:

  • Click to share on Twitter (Opens in new window)
  • Click to share on Facebook (Opens in new window)

Related

Reader Interactions

Ready to start your project?

Start by doing what's necessary, then do what's possible.



Footer

Chan & Associates Co., Ltd.

Certified Public Accountants & Auditors
Active Member of KICPAA

+855(0)95 555 199

info@chanassociates.com

Copyright © 2021 Chan & Associates Co., Ltd. All rights reserved. Return to top