• Skip to primary navigation
  • Skip to main content
  • Skip to footer

+855(0)95 555 199

info@chanassociates.com

Chan & Associates Co., Ltd.

Chan & Associates Co., Ltd.

Accounting, Audit and Assurance

  • HOME
  • About Us
  • Our Services
    • AUDIT & ASSURANCE
    • ACCOUNTING
    • TAXATION
    • BUSINESS ADVISORY
  • People
  • Library
    • Exchange Rate
    • Announcement
    • Business News
    • Economics News
    • General Knowledge
    • Company Registration Form
  • Language
    • EnglishEnglish
    • 日本語日本語
Contact Us

ក្រុមហ៊ុន Huawei កំពុង​ប្រជែង​យក​តំណែង​ក្រុមហ៊ុន Apple

HOME >>ក្រុមហ៊ុន Huawei កំពុង​ប្រជែង​យក​តំណែង​ក្រុមហ៊ុន Apple

ក្រុងឡាសវេហ្គាសៈ កាលពី​ថ្ងៃ​ម្សិលមិញ​ក្រុមហ៊ុន​ផលិត​គ្រឿង​អេឡិចត្រូនិក​ធំ​ជាង​គេ​​របស់​ប្រទេស​ចិន Huawei បាន​តម្រង់​គោលដៅ​មក​រក​ផ្នែក​គ្រឿង​អេឡិចត្រូនិក​តម្លៃ​ខ្ពស់​ដែល​ទីផ្សារ​នេះ​ត្រូវ​បាន​គ្រប់គ្រង​ដោយ​ក្រុមហ៊ុន​ Apple តាមរយៈ​ការ​​ដាក់​បង្ហាញ​ទូរស័ព្ទ​ទំនើប​អេក្រង់​ធំ​ថ្មី​ជាមួយ​នឹង​កុំព្យូទ័រ​ថេប្ល៊ិត និង​នាឡិកា​ដៃ​ទំនើប​គុណភាព​ខ្ពស់។

ខណៈ​ក្រុមហ៊ុន​នេះ​បាន​ដាក់​បង្ហាញ​ទូរស័ព្ទ​ទំនើប​ស៊េរី​ចុង​ក្រោយ​របស់​ខ្លួន​ដែល​មាន​ឈ្មោះ​ថា Mate 8 នៅក្នុង​ពិធី​ពិព័រណ៍​គ្រឿង​អេឡិចត្រូនិក​ប្រើ​ប្រាស់​នោះ​ក្រុមហ៊ុន​ Huawei បាន​ឲ្យ​ដឹង​ថា​ក្រុមហ៊ុន​របស់​ខ្លួន​មើល​ឃើញ​មាគ៌ា​មួយ​ដើម្បី​ក្លាយ​ជា​ក្រុមហ៊ុន​ចែកចាយ​ពិភពលោក​ទី​ពីរ​ក្នុង​វិស័យ​នេះ​ពោល​គឺជា​តំណែង​មួយ​ដែល​បច្ចុប្បន្ន​ត្រូវ​បាន​កាន់កាប់​ដោយ​ក្រុមហ៊ុន Apple នៅ​អាមេរិក​។

លោក Richard Yu ប្រធាន​ផ្នែក​គ្រឿង​អេឡិចត្រូនិក​ប្រើប្រាស់​ប្រចាំ​ក្រុមហ៊ុន​ Huawei បាន​ឲ្យ​ដឹង​ថា៖ «​រៀង​រាល់​ឆ្នាំ និង​​រាល់​ខែ​យើង​នឹង​បង្កើន​ចំណែក​ទីផ្សារ​របស់​យើង​»។

លោក​មាន​ប្រសាសន៍​ថា៖ «​ក្នុង​រយៈពេល​ពីរ​បី​ឆ្នាំ​ខាង​មុខ​នេះ​យើង​ជឿ​ថា​យើង​នឹង​អាច​ក្លាយ​ជា​ក្រុមហ៊ុន​ទី​ពីរ​របស់​ពិភពលោក»។

ក្នុង​ពិធីពិព័រណ៍​នេះ​ក្រុមហ៊ុន Huawei បាន​ប្រកាស​ពី​ការ​ដាក់​ដំណើរការ​ទូរស័ព្ទ​គុណភាព​ខ្ពស់​របស់​ខ្លួន​ដោយ​បាន​អះអាង​ពី​គុណភាព​កាន់តែ​ប្រសើរ និង​កាន់​ថ្ម​បាន​យូរ​ជាង​ទូរស័ព្ទ​ដែល​​ផលិត​ដោយ​ក្រុមហ៊ុន​ដែល​ជា​គូប្រជែង​ដូចជា​ក្រុមហ៊ុន Apple និង​Samsung ជាដើម​។

លោក Kevin Ho ដែល​ដឹកនាំ​ផ្នែក​ប្រតិបត្តិការ​ទូរស័ព្ទ​ប្រចាំ​ក្រុមហ៊ុន Huawei មាន​ប្រសាសន៍​ថា​ដោយ​មាន​អេក្រង់​ទំហំ ៦ ​អ៊ិញ​ទូរស័ព្ទ​នេះ​នៅ​មាន​រូបរាង​តូច និង​ស្តើង​ជាង​ទូរស័ព្ទ​ដែល​មាន​លក្ខណៈ​ស្រដៀង​គ្នា។

ទូរស័ព្ទ​ម៉ូដែល Mate 8 នេះ​នឹង​ដាក់​បង្ហាញ​នៅ​តាម​ប្រទេស​​ចំនួន​ ៣០ តែ​មិន​នៅ​អាមេរិក​ទេ​ដោយ​ដាក់​លក់​ក្នុង​តម្លៃ​ ៥៩៩ ​អឺរ៉ូ (៦៥០ ​ដុល្លារ) តម្លៃ​ប្រហាក់​​ប្រហែល​នឹង​ទូរស័ព្ទ​ទំនើប​មួយ​ចំនួន​របស់​ក្រុមហ៊ុន Apple និង​ Samsung ដែរ។

ទីផ្សារ​ដំបូង​ដែល​ទូរស័ព្ទ​ម៉ូដែល​ Mate 8 នឹង​ត្រូវ​ដាក់​បង្ហាញ​គឺ​នៅ​តំបន់​អឺរ៉ុប អាមេរិក​ឡាទីន មជ្ឈិមបូព៌ា និង​តំបន់​អាស៊ី។

លោក Ho មាន​ប្រសាសន៍​ថា​ទូរស័ព្ទ​ស៊េរី​ថ្មី​នេះ​កាន់​ថ្ម​បាន​យូរ​ជាង​ពីរ​ថ្ងៃ។ ទូរស័ព្ទ​នេះ​មាន​ប្រព័ន្ធ​សម្គាល់​អត្តសញ្ញាណ​ស្នាម​ម្រាម​ដៃ​សម្រាប់​សេវា​ទូទាត់​ប្រាក់​ម៉ាស៊ីន​ថត និង​បច្ចេកវិទ្យា​ថត​សំឡេង ដែល​មាន​គុណភាព​កាន់តែ​ប្រសើរ។

លោក Ho បាន​បន្ត​ឲ្យ​ដឹង​ថា​ក្រុមហ៊ុន​ Huawei បាន​ផលិត​សំណុំ​បន្ទះ​ឈីប​របស់​ខ្លួន​ផ្ទាល់​សម្រាប់​ទូរស័ព្ទ​នេះ​ដោយ​ធានា​ថា​ទូរស័ព្ទ​នឹង​នៅ​តែ​ត្រជាក់​បើ​ទោះ​ជា​ដំណើរការ​ច្រើន​ក៏ដោយ​។

លោក​មាន​ប្រសាសន៍​ទៀត​ថា៖ «​ការ​ដំណើរការ​ច្រើន​មិនមែន​មាន​ន័យ​ថា​ទូរស័ព្ទ​នឹង​ក្តៅ​រហូត​នោះ​ទេ​»។

ក្រុមហ៊ុន Huawei បាន​បង្កើន​ចំណែក​ទីផ្សារ​ទូរស័ព្ទ​ទំនើប​​ទូទាំង​ពិភពលោក​របស់​ខ្លួន​ដល់ ៧,៧ ​ភាគរយ​នៅ​ត្រីមាស​ទី​បី​នៅ​ពី​ក្រោយ​ក្រុមហ៊ុន Samsung និង​ក្រុមហ៊ុន​ Apple នេះ​បើ​យោង​តាម​ក្រុមហ៊ុន​ស្រាវជ្រាវ Gartner។

ក្រុមហ៊ុន​នេះ​បាន​ដណ្តើម​យក​តំណែង​នាំ​មុខ​នៅ​ប្រទេស​ចិន​ពី​ក្រុមហ៊ុន​ Samsung តែ​ការ​លក់​នៅ​សហរដ្ឋ​អាមេរិក​របស់​ក្រុមហ៊ុន​នេះ​នៅ​មាន​កម្រិត​​នៅ​ឡើយ​រហូត​ដល់​មាន​កិច្ចព្រមព្រៀង​នា​ពេល​ថ្មីៗ​នេះ​របស់​ខ្លួន​ក្នុង​ការ​ផលិត​ទូរស័ព្ទ​ម៉ូដែល Nexus ឲ្យ​ក្រុមហ៊ុន​ Google។

លោក Yu មាន​ប្រសាសន៍​ថា​ប្រាក់​ចំណូល​សរុប​ដែល​បាន​មកពី​គ្រឿង​អេឡិចត្រូនិក​ប្រើប្រាស់​របស់​ក្រុមហ៊ុន​ Huawei បាន​កើនឡើង ៧០ ​ភាគរយ​នៅ​ឆ្នាំ ២០១៥ ដល់​ជាង​ ២០ ​ពាន់​លាន​ដុល្លារ​ដោយសារ​ក្រុមហ៊ុន​នេះ​បាន​នាំ​ចេញ​ទូរស័ព្ទ​ចំនួន​ ១០៨ ​លាន​គ្រឿង។

លោក​បាន​បន្ត​ឲ្យ​ដឹង​ថា​ក្នុង​រយៈពេល​ប៉ុន្មាន​ឆ្នាំ​ចុងក្រោយ​នេះ​ក្រុមហ៊ុន​ Huawei បាន​បង្កើន​ការ​យល់​ដឹង​ពី​ម៉ាក​ផលិតផល​ពិភពលោក​របស់​ខ្លួន និង​ទទួល​បាន​ទំនុក​ចិត្ត​ពី​អតិថិជន។ កេរ្តិ៍​ឈ្មោះ​របស់​ក្រុមហ៊ុន​ Huawei ត្រូវ​បាន​បំផ្លាញ​កាលពី​ប៉ុន្មាន​ឆ្នាំ​មុន​នៅ​ពេល​មាន​ក្តីបារម្ភ​អំពី​ទំនាក់​ទំនង​របស់​ក្រុមហ៊ុន​នេះ​នឹង​រដ្ឋាភិបាល​ចិន។

លោក Yu ថ្លែង​ថា៖ «​យើង​បាន​បង្កើន​ទំនុក​ចិត្ត​ពី​អតិថិជន​ឡើង​វិញ​ហើយ​»។

ក្រុមហ៊ុន Huawei ក៏​បាន​ដាក់​បង្ហាញ​កុំព្យូទ័រ​ថេប្ល៊ិត​មាន​អេក្រង់​ទំហំ ១០ ​អ៊ិញ​ដែល​ទំនង​ជា​ត្រូវ​បាន​ផលិត​ឡើង​ធ្វើ​ជា​គូ​ប្រជែង​នឹង iPad។

កុំព្យូទ័រ​ម៉ូដែល MediaPad M210 នឹង​ដាក់​លក់​នៅ​សហរដ្ឋ​អាមេរិក និង​តាម​ទីផ្សារ​ជាង​ ២០ ​កន្លែង​ផ្សេង​ទៀត​នូវ​តម្លៃ​ចាប់ពី​ ៣៤៩ ​ដុល្លារ។

Huawei ក៏​បាន​ដាក់​បង្ហាញ​នាឡិកា​ដៃ​ទំនើប​ស៊េរី​ថ្មី​ចំនួន​ពីរ​​ផង​ដែរ​គឺ​ម៉ូដែល Jewel និង​ម៉ូដែល​ Elegant ដែល​ទំនង​ជា​មាន​បំណង​ដណ្តើម​​ចំណែក​ទីផ្សារ​ផលិតផល​តម្លៃ​ខ្ពស់​ដែល​គ្រប់គ្រង​ដោយ​នាឡិកា​ដៃ Apple Watch។

ដោយ​មាន​គោលបំណង​ចាប់​យក​អតិថិជន​ជា​ស្ត្រី​នាឡិកា​ស៊េរី​ថ្មី​ទាំង​ពីរ​ម៉ូដែល​នេះ​មាន​តម្លៃ ៤៩៩ ​ដុល្លារ និង​ ៥៩៩ ​ដុល្លារ​។ នាឡិកាដៃ​ម៉ូដែល Jewel ត្រូវ​បាន​ផលិត​ឡើង​ដោយ​មាន​ការ​សហការ​ជាមួយ​នឹង​ក្រុមហ៊ុន​ Swarovski និង​បំពាក់​ត្បូង​កញ្ចក់​មាន​មុខ​កាត់​ដូច​គ្រាប់ពេជ្រ​របស់​ក្រុមហ៊ុន​អឺរ៉ុប Zirconia នៅ​ជុំវិញ​មុខ​នាឡិកា៕

ប្រភព៖ ភ្នំពេញប៉ុស្តិ៍

Share this:

  • Click to share on Twitter (Opens in new window)
  • Click to share on Facebook (Opens in new window)

Related

Reader Interactions

Ready to start your project?

Start by doing what's necessary, then do what's possible.



Footer

Chan & Associates Co., Ltd.

Certified Public Accountants & Auditors
Active Member of KICPAA

+855(0)95 555 199

info@chanassociates.com

Copyright © 2021 Chan & Associates Co., Ltd. All rights reserved. Return to top